extra pink

×_× happy valentine day

لووووول بس باجرب كيف يقولونها الناس,امممم طول عمري طول عمري طولللل عممممررري ماحب الاحتفالات ذي والايام اللي يختارونها بالسنه عشان يحتفلو بعيد معين سواء عيد الام , عيد الصداقه , عيد الحب , عيد البطيخ ,,,,, الخ من الهبل الباقي ,,

ماعتقد انو ماما يحتاج اختارلها يوم عشان اقدملها هديه او احتفل بيها , ولا حتى الناس الي نحبهم يحتاجو يوم عشان نلبسلهم احمر ونهديهم ورده حمره (غير دا اصلا احب الورد البينكي والورد الابيض اكثر) لووول

فـ بجد مره مادخلت مزاجي مسألة عيد البطيخ داهـ ؟

افتكر بالمدرسه زمان(قبل عيد الحب باسبوع) قللك توعيه يجيبو مُحاضِره تسسووي محاضره,عن حكم عيد الحب , وتوزع كتيبات كمان ماشاءالله , ووتسوي بالبروجكتور (ومسرح مدرستنا كان كبير فتخيلو الجدار كلو) معروضه انواع الهدايا قلب احمر دبدوب احمر ورده حمره ,

وتسويها غالباً لمراهقات تغريهم صور الهدايا خاصة لو كانت حياتهم جاااافه ماحد بيهديهم لا أهلهم ولاصحباتهم كدا كأنهم بيحفزونها تحتفل بالشي ذا ,, يختي ليش احنا مانحس , يعني لو هيا مهتمه بالتوعييه بطرق جديده تتناسب مع جيلنا وزمنا ليش ماتسوي محاضره عن الحب !! ايوه طيب يختي الله قدرك وسويتي محاضره عن حكم عيد الحب وحرمته ,  اتكلمي عن الحب الحب العفيف والطاهر :/ واتكلمي عن انه كيف البنت تلتزم حدودها بالحب وتلتزم حدود ربنا , ماعتقد ماحد ماحب ! ولا اعتقد انو اي شخص من اللي حبو يفهمون الحب الحقيقي

XD

انا درست سنه من مراحل الثنوي بقريه , واكتشششششششفت انو بنات القريه يحتفلو بعيد الحب ! ومع مين مع بعض كل وحده تهدي صحبتها دبدوب احمر !! ولا ورده حمره ,, حتى انا جاتني هدايا الله يجبر بخاطرهم !

طييييييييييييب المُحاضِره لو ماتبغا تسووي محاضره عن الحب , سووي محاضره عن (تهادوا تحابوا) واشرحي فكرة انو مش شرط نهدي بعض باوقات معينه وايام معينه كم السنه ! فعلاً التوعيه والمحاضرات بالمدارس محكوره بالمواضيع :

عيد الحكم وحكمه بالشرع - تحجبي يافتاة - فتاة ماتت وهي تسمع الاغاني - أعلى الخمر افطر!! - المخدرات داءُ العصر

خلاااااااااااااااص انا ممكن كنت اسمع وحده من المحاضرات !! وربي

من جد لازم يسوو تغير حبتين بالتوعيه وباسلوب الكلام وبموضوع الكلام من اساسه !!بجد دا بس كلام فقلبي قاهرني ونفسي لو (نص بني آدمي) يطبقه انا قنوعه مابغا بني آدمي كامل,

وكل سنه وانتو حبايبي وكل سنه وانا احبكم واستقبل هداياكم طوال السنه مارح احددلكم يوم معين

P:

هذه التدوينة ادرجت بتاريخ 14 فبراير 2010 في الساعة 9:04 م ضمن تصنيف كلام×كلام !!. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.